“Гэгээн муза" 18 дахь удаагийн олон улсын театрын наадамд тайз, дэлгэцийн урлагт шинэ өнгө төрхийг бүтээж яваа залуу жүжигчин О.Самданпүрэв "Шилдэг залуу уран бүтээлч" шагналын эзэн боллоо. Тэрбээр энэ удаагийн наадамж драмын төрөлд "Про" театрын ”Шадар гурван цэрэг” физикл драмын жүжгийн гол дүр буюу Д'Артаньяны дүрийг бүтээсэн билээ.
Түүний хувьд 2020 онд СУИС-ийн Театрын урлагийн сургуулийн төгссөн ч оюутны ширээнээс тайз, дэлгэцийн бүтээлд өөрийн шинэ өнгө төрхөөрөө үзэгчдэд танигдсан юм. Тухайлбал, МҮОНТ-ын "Хамгийн азтай үе", найруулагч Б.Нямдаваагийн "Байрны ах", "Go" студийн "Киносутра" цуврал, "Монгол" пикчерсийн "Deja vu" зэрэг бүрэн хэмжээний болон олон ангит киноны гол дүрийг бүтээж байсан билээ.
