Тайвань Улсад энэ сарын 17-30-ны өдрүүдэд зохион байгуулж буй дэлхийн мастеруудын 8 дугаар наадамд Сэлэнгэ аймгийн Мандал сумын тамирчид амжилттай оролцож байгаа юм. Тус тэмцээнд Мандалын Түнхэл 5 дугаар багийн тамирчин Х.Хүрэл-Эрдэнэ жүдо бөхийн М2 ангиллын 81 кг жинд алтан медаль, Мандал сумын тамирчин Б.Ганхөлөг М2 ангиллын 100 кг жинд мөнгөн медаль хүртсэн байна. Тус наадамд 107 орны 25000 гаруй тамирчид олимпын спортын 35 төрлөөр оролцож байгаа бөгөөд Монгол Улсаас спортын 10 төрлөөр 450 тамирчид оролцож байгаа юм.

Энэ нь оролцож буй 107 орны баг тамирчдаас оролцогчдын цар хүрээгээрээ топ 5-д багтаж байгаа аж.