Хүний эрхийн Үндэсний Комисс нь жил бүрийн эхний улиралд багтаан Монгол Улс дахь хүний эрх, эрх чөлөөний байдлын талаарх илтгэлийг боловсруулж, Улсын Их Хуралд хүргүүлдэг. Үүний дагуу өнгөрөгч гуравдугаар сарын 31-нд УИХ-ын дарга Д.Амарбаясгаланд өргөн барьсан байдаг. Тэгвэл ХЭҮК өнөөдөр тус илтгэлээ УИХ дахь АН-ын бүлгийн хуралдаанд танилцуулж байна.

Энэ удаагийн агуулгад

-Сонгох, сонгогдох эрх: 2024 оны сонгуулийн үйл ажиллагаа,

-Хүний эрх хамгаалагч өмгөөлөгч, сэтгүүлчийн өнөөгийн нөхцөл байдал,

-Хүний эрх ба цахим технологи,

-Цахим технологи ашиглан үйлдэгдэж буй жендэрт суурилсан хүчирхийлэл

-Эрүүгийн хэрэг хянан шийдвэрлэх ажиллагаан дахь бэлгийн хүчирхийллийн хохирогч хүүхдийн эрхийн зарим асуудал

-Шударгаар шүүлгэх эрхийн хэрэгжилтийн асуудлууд багтсан байдаг.