Дэлхийн католик номтнуудын их хутагт, Ватикан буюу Гэгээн ширээт Улсын төрийн тэргүүн, Ромын Пап Францис 88 насандаа Ватикан дахь албан өргөө Каса Санта Марта ордондоо таалал төгссөн.

Ромын католик сүм хийдийн кардиналууд өчигдөр хуралдаж, пап Францисын оршуулах ёслолыг Гэгээн Петрийн талбайд энэ бямба гарагт хийхээр тогтжээ. Харин ард иргэд, сүсэгтнүүдийг Ромын Папд хүндэтгэлээ илэрхийлэх боломжийг олгох үүднээс шарилыг нь ирэх долоо хоногийн лхагва гарагт Гэгээн Петрийн сүмд байрлуулахаар болжээ.