"Эрдэнэт" үйлдвэрт гурван хүн нас барсан гэх мэдээлэл гараад байна. Тэгвэл Эрдэнэт хотод дөрвөн хүн ноцтой ослын улмаас нас барсны гурав нь тус үйлдвэрт ажилладаг 1982-1983 оны залуус байжээ. Тэдний хоёр нь нэг цехэд ажилладаг байсан аж. Осол Армэргэн гэх зуслангийн замын орчимд гарсан байна. Мөн эх сурвалжийн мэдээлснээр, талийгаачид land-200 маркийн автомашинтай Булган аймгаас Эрдэнэт хот руу орж ирэх замд Хово загварын автомашин урсгал сөрснөөс болж ийм ноцтой осол гарсан байж болзошгүй юм байна. Тэд өнөөдөр өглөө ажиллах ээлжтэй байсан ч харамсалтай нь өчигдөр ноцтой ослын улмаас зуурдаар амь насаа алдсанд "Эрдэнэт" үйлдвэрээс ар гэр, төрөл төрөгсдөдө нь эмгэнэл илэрхийлээд байна.