"Эрдэнэт үйлдвэр" ТӨҮГ-ын ҮЭХ-оос өнөөдөр зарим цех, хэлтсийн ажилчид ажил хаялт зарлаж байгаа тухайгаа мэдэгдлээ.

Тодруулбал, “Эрдэнэт үйлдвэр” ТӨҮГ-ын ҮЭ-ийн холбооноос Хөдөлмөрийн тухай хуулийн 26 дугаар зүйлийн 26.1 дэх хэсэгт заасны дагуу 2023.08.30-ны өглөөний 07 цагаас эхлэн нэг сарын хугацаанд “Эрдэнэт үйлдвэр” ТӨҮГ-ын Автотээврийн цехийн Уулын технологийн тээврийн хэсэг, Зорчигч тээврийн хэсэг, Ил уурхайн Уулын ажлын хэсгээс эхлэн ажил хаялтыг зарлахаа мэдэгдсэн юм. Учир нь "Эрдэнэт Үйлдвэр" ТӨҮГ-ын Үйлдвэрчний Эвлэлийн нийгэм эдийн засгийн асуудлыг шийдвэрлэдэг хамтын гэрээний хэд хэдэн заалтад саналын зөрүүтэй байдал үүссэн аж. Тиймээс захиргаанд таван удаа албан бичиг хүргүүлсэн ч хариу тайлбар өгөөгүй байна.