УЕП Б.Жаргалсайханыг улираан томилох Ерөнхийлөгчийн саналыг ЕТГ-ын дарга Г.Занданшатар УИХ дахь Хууль зүйн байнгын хорооны хуралдаанд танилцууллаа.

Энэ үеэр УИХ-ын гишүүн Д.Ганбат "ногоон автобусны" гэх хэрэгт шүүхээс гаргасан шийдвэртэй холбогдуулан УЕП-оос асуулт асууж, хариулт авсан юм.

УЕП Б.Жаргалсайхан: Ногоон автобусны хэрэгт прокурор өөрийнхөө шүүхэд ирүүлсэн зүйлчлэлээр ялласан. Шүүх цагаатгасан гэдэг мэдээлэл орж ирж байна. Шүүх цагаатгаж байгаа нь өөрсдийнхөө дотоод итгэлээр л асуудлыг шийдвэрлэж байгаа. Прокурор бол өөрийнхөө дотоод итгэлээр энэ хэргийг гэм буруутай гэж үзэн яллах дүгнэлт үйлдэж шүүхэд шилжүүлсэн. Тиймээс дараа, дараагийн шүүхийн үйл ажиллагаа нь шүүх хуралд оролцсон прокурорын үйл ажиллагаанаас хамаарна.