"Төгрөг нуур"-ын лиценз эзэмшигч Л.Дүгэржав агсны охин Д.Болорсүрэн АТГ-т энэ ордтой холбоотой баримтуудыг өгч, хамгаалалтад авах хүсэлтээ өчигдөр /2025.04.08/ өгсөн. Тэгвэл ЗГХЭГ-ын дарга Н.Учрал "Өчигдрийн АТГ-ын гадаа мэдээлэл хийсэн эмэгтэйд санаа зовних ёстой. Тиймээс би хууль хяналтын байгууллага руу өглөө холдбогдож тэр эмэгтэйг гэрчийн хамгаалалтад авах асуудалд анхаарал хандуулахыг ёстой шүү гэх байр суурийг илэрхийлсэн.Хууль хяналтын байгууллагаас процесс ажиллагаа үргэлжилж байна" гэв.

Л.Дүгэржав агсны охин Д.Болорсүрэн "Аав маань бурхан болсон ч би амьдармаар байна. Айж байна. Тиймээс намайг хамгаалалтад аваач гэж АТГ-д хүсэж байна. Би охиных нь хувьд харддаг. CAMEX гэж компанийн захирал Деннис бурхан болсон, энэ ордын 20 хувийг эзэмшигч байсан аав маань бурхан болсон. ТУЗ-ийнх нь дарга ч гэсэн бас бурхан болсон. 7 удаа антарктид явсан, Увсын Тэсийн маш эрүүл чийрэг биетэй аав маань бурхан болсныг охиных нь хувьд би хүлээн зөвшөөрдөггүй. Маш олон хүн залгаж байна. Надад хамгаалалт хэрэгтэй учраас АТГ-т хандаж, өөрт байгаа бичиг баримтаа өгч байна" гэх мэдээллийг өчигдөр өгсөн юм.