Үндэсний болон олон орны хоолны соёлыг иргэд, жуулчдад таниулах “UB food” фестиваль өнөөдөр төв талбайд эхэлсэн. Энэ үеэр Хотын дарга Х.Нямбаатар "UB food" фестивалийн үйл ажиллагаатай танилцахаар асарт очжээ. Гэтэл ТҮЦ эрхлэгч эмэгтэйчүүд түүн рүү дайрч улмаар цагдаа нарт хөөгдөж гарчээ.

Тодруулбал, Хотын дарга Х.Нямбаатар ТҮЦ, гарааш буулгах, орц гарц нээх, явган хүний зам барих ажлыг эрчимжүүлэхээ мэдэгдсэн. Тиймээс зөвшөөрөлгүй ТҮЦ буулгах ажил нийслэлийн Баянзүрх дүүргээс эхэлжээ. Тус дүүргийн 22 дугаар хорооны автобусны буудлын ТҮЦ-ийг нүүлгэж, ул суурийн хог хаягдлыг цэвэрлэж эхэлсэн байна.