УИХ-ын чуулганаар Засгийн газрын 2024 оны гүйцэтгэлийн тайланг хэлэлцэж байна. Энэ үеэр УИХ-ын гишүүн Б.Түвшин "2024 онд улсын төсвөөс 30.5 их наяд төгрөг зарцуулсны 22 гаруй их наядыг урсгал зардалд зарцуулсан байна.
Энэ мөнгөөр манай улс яг яаж хөгжив гэдэгт тодорхой хариулах тайлагналын систем байхгүй учраас бид өнөөдөр гурван газрын зөрүүтэй дүгнэлтийг ярилцаад сууж байна" гэлээ.
