Гадаад паспорт, мөнгө, эд зүйлсээ биеэсээ салгахгүй аялахыг анхаарууллаа

Ангилал
Нийгэм
Огноо
Унших
1 минут 30 секунд

Иргэд гадаадад зорчихдоо гадаад паспорт, бэлэн мөнгөө гээх, олон нийтийн унаанд мартаж буух тохиолдол их байдаг аж. Үүнтэй холбогдуулан Монгол Улсаас БНХАУ-д суугаа Элчин сайдын яамнаас иргэдийг хувийн хариуцлагаа өндөржүүлж, гадаад паспорт, мөнгө, эд зүйлсээ биеэсээ салгахгүй байж, анхаарал болгоомжтой аялахыг сэрэмжлүүллээ.

Элчин сайдын яам бичиг баримтаа гээсэн иргэдэд буцах үнэмлэх олгох, тухайн иргэнд Хятад улсын хилээр гарах зөвшөөрөл гаргуулах зэргээр иргэдэд дэмжлэг үзүүлэн ажиллаж буй аж.

Гадаад паспортаа гээснээр зочид буудалд захиалга өгөх боломжгүй болох, нислэгээ цуцлах зэрэг хүндрэлтэй асуудал үүсдэг байна. Энэ тохиолдолд холбогдох дүүргийн Цагдаагийн газарт бүртгүүлж бичиг баримтаа гээсэн тухай бичиг авч, БНХАУ-ын НАХЯ-ны Хилээр орох, гарах газраас тус улсын хилээр гарах зөвшөөрөл хүсэж 5-7 хоног хүлээх зэргээр цаг хугацаа алдаж, санхүүгийн хохирол амсдаг аж.

Хэрэв тус улсад аялах үедээ бичиг баримтаа гээсэн бол Элчин сайдын яамны шуурхай утас +86 176 0078 7323, +86(10) 6532 1203 болон [email protected], [email protected] цахим хаягт хандах боломжтой гэж Монгол Улсаас БНХАУ-д суугаа ЭСЯ-наас сэрэмжлүүллээ.

Г.Хишигсайхан марафон гүйлтийн Азийн АШТ-ээс хүрэл медаль хүртлээ
Г.Хишигсайхан марафон гүйлтийн Азийн АШТ-ээс хүрэл медаль хүртлээ
 
Шинэ тойрог замыг барьснаар түгжрэл 40 гаруй хувиар буурна гэв
Шинэ тойрог замыг барьснаар түгжрэл 40 гаруй хувиар буурна гэв
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!