ХӨСҮТ-өөс цаг үеийн асуудлаар мэдээлэл хийлээ. Энэ үеэр "Өчигдөр 22:00 цагт Өмнөговь аймгаас улаанбурхан өвчний гурван тохиолдол нэмж бүртгэгдсэн" талаар мэдээлэв.
ХӨСҮТ-ийн Ерөнхий захирал Э.Анхбаяр "Улаанбурхан өвчний нийт 14 тохиолдолд бүртгэгдсэн байсан бол өнгөрсөн шөнө 1 тохиолдол нэмэгдлээ. Мөн хөдөө орон нутгаас 12 хүүхдээс сорьц авч илгээсэн. Үүнээс 3 тохиолдол батлагдаж, үлдсэнийг нь сэжигтэй тохиолдол гэж үзэн давтан шинжилж байна. Ингээд өнөөдрийн байдлаар улаанбурханы 18 тохиолдол батлагдлаа. Улаанбаатар хот болон хөдөө орон нутагт тус өвчин бүртгэгдэх хандлага өндөр байна" гэв.
