Хүүхдийг багаас нь номтой нөхөрлүүлж, унших дадлыг бий болгохыг эцэг, эхчүүд чухалчилдаг. Тэгвэл ном уншсаных нь дараа хүүхэдтэйгээ хамт ярилцаж, асуулт асууж, тэр номоос юу ойлгосныг нь сонсох нь тэднийг идэвхтэй уншигч болгоход тусална.

Хүүхэд ном унших нь чухал ч, түүнээсээ юу ойлгож, хэрхэн хүлээж авч байгаа нь бүр ч чухал. Номын агуулгын талаар ярилцаж, асуулт асуух нь хүүхдийн ойлгох чадварыг сайжруулж, уншихад нь илүү сонирхолтой болгож өгдөг. Тиймээс ном уншсаны дараа хамтдаа ярилцах нь хүүхдийн унших дадлыг бэхжүүлэх үр дүнтэй арга юм.

Тэгвэл үүнийг хэрхэн хэрэгжүүлэх вэ?

-"Энэ номд ямар дүр хамгийн сонирхолтой байсан бэ?”

-“Чи энэ түүхийг өөрөөр төгсгөх байсан бол яах байсан бэ?”

-“Дараагийн удаа ямар ном уншихыг хүсэж байна?” гэх мэтээр ярилцах.

Судалгаагаар, Кембрижийн их сургуулийн (2020 он) судалгаагаар номын агуулгын талаар ярилцдаг хүүхдүүдийн унших ойлголт 60%-аар илүү хөгждөг гэж тогтоогдсон байна.