Өндөрхаан-Чойбалсан чиглэлийн 50 км авто замыг иргэд "Тамын 50" гэж ярьцгаадаг. 2013-2015 онд баригдсан уг замыг Улсын комисс өнөөг хүртэл ашиглалтад хүлээн аваагүй аж.

Тэгвэл энэ талаар Зам тээврийн сайд Б.Дэлгэрсайхан "Дорнодын "Тамын 50" гэж нэрлэгддэг автозамыг шинэчлэх тендер өнөө маргаашгүй зарлагдана. Дэлхийн банкны санхүүжилтээр уг ажлыг хийх бөгөөд тендер зарлагдаж, компани шалгарсан даруйд зам барилгын ажлыг шууд эхлүүлнэ. Баасан гарагт Дэлхийн банкны суурин төлөөлөгчтэй уулзана. Тендерийг худалдан авах газар явуулна. Тендер зарлагдвал замын ажил эхэлнэ" гэх мэдээллийг өглөө.