Эрүүл мэндийн яамнаас  Ковид 19 халдварын нөхцөл байдлын  талаарх цаг үеийн ээлжит  мэдээлэл хийж байна. Тус яамнаас өдөрт хоёр удаа мэдээлэл хийж байгаа. 

Тэгвэл өнөө өдөр нэмж 19 хүний шинжилгээний хариу эерэг гарсан байна. Ингэснээр улсын хэмжээнд халдварын нийт батлагдсан тохиолдол 473 боллоо.

ХӨСҮТ-ийн Тандалт судалгааны албаны дарга А.Амбасэлмаагийн мэдээлснээр өнөөдрийн байдлаар 17:00 цаг хүртэл нийт 963 хүнд шинжилгээ хийхэд 18 хүнээс корона вирус илэрлээ. ХӨСҮТ-ийн Вирус судлалын лабораторид 556 хүнд шинжилгээ хийхэд нэг хүний хариу эерэг гарсан нь эмнэлгийн ажилтан аж. Мөн Дархан-Уул аймгийн Вирус судлалын лабораторит 348 хүнд шинжилгээ хийснээс дөрвөн хүнд корона вирус илэрчээ. Сэлэнгэ аймгийн Вирус судлалын лабораторит 59 хүнд шинжилгээ хийхэд 13 хүний хариу эерэг гарчээ.

Эдгээр тохиолдлууд нь өмнөх батлагдсан тохиолдлуудын ойрын хавьтал юм. 

Дотооддоо халдвар аваад буй иргэд: 

• Сэлэнгэ- 23
• Дархан-Уул- 8
• Говьсүмбэр- 1
• Улаанбаатар хотод- 15 тохиолдол бүртгэгдээд байна.