Nba-ийн 2019-2020 оны улирал уламжлалт хуваарийн дагуу аравдугаар сарын 23-нд эхэлсэн боловч коронавирусний цар тахлын улмаас энэ оны аравдугаар сарын 12-нд өндөрлөсөн.

Харин ирэх улирлын тоглолтууд ирэх сарын 22-нд эхэлж 2021 оны долоодугаар сард өндөрлөх болохоо зарлажээ. Уламжлал ёсоор багууд 82 тоглолт хийдэг байсан хэдий ч ирэх улиралд нэг баг нийт 72 тоглолт хийхээр төлөвлөсөн байна. Ташрамд дурдахад цар тахалтай холбогдуулан ирэх улиралд бүх оддын тоглолтыг зохион байгуулахгүй байхаар төлөвлөжээ. Лигийн зүгээс баталсан ирэх улирлын төлөвлөгөө:

• Маргааш буюу 11 сарын 19-нд Nba-ийн драфтын өдөр
• 12 сарын 12-оос 12 сарын 20-нд улирлын өмнөх тоглолтууд
• 12 сарын 23-аас 3 сарын 5-нд улирлын эхний хагасын тоглолтууд
• 3 сарын 6-аас 3 сарын 11-нд амралт
• 3 сарын 12-оос 5 сарын 17-нд улирлын хоёрдугаар хагасын тоглолтууд
• 5 сарын 19-өөс 5 сарын 22-нд нэмэлт тойргийн тоглолтууд
• 5 сарын 23-аас 7 сарын 23-нд плэйоффийн тоглолтууд үргэлжилнэ.