E-Mongolia системд одоогийн байдлаар 88 байгууллагын 1264 үйлчилгээ цахимжаад байгаа талаар Гэр бүл, хөдөлмөр, нийгмийн хамгааллын яам мэдээлэв. Гэвч зарим үйлчилгээг иргэд огт мэдэхгүй, ашиглахгүй байх тохиолдол байгаа тул цаашид энэ асуудал дээр түлхүү анхаарч тухайн үйлчилгээг үзүүлдэг төрийн байгууллагуудтай хамтын ажиллагааг бэхжүүлэх уулзалтыг шат дараатай зохион байгуулна хэмээн мэдээллийн технологи, хэвлэлийн мэргэжилтнүүд хэлэв.

Өнөөдрийн байдлаар ГБХНХЯ-ны E-Mongolia системийн хамгийн эрэлттэй үйлчилгээ нь Нийгмийн даатгалын шимтгэл төлөлтийн лавлагаа юм. Энэ лавлагааг иргэд давхардсан тоогоор 15,112,402 удаа цахимаар авсан нь цахим үйлчилгээний хэрэгцээ, эрэлт өндөр байгааг илтгэж байна.