НИТХ-ын Тэргүүлэгчдийн хуралдаанаар Нийслэлийн "Хүрээ" амаржих газрыг МУ-ын хүний гавьяат эмч О.Должинсүрэнгийн нэрэмжит болголоо. Гавьяат эмч О.Должинсүрэн нь Монголын эрүүл мэндийн салбарт тасралтгүй 40 жил ажилласан эрхэм хүн юм.
“Эрүүл эх, нярай-Эх орны ирээдүй” хэмээх уриатай Нийслэлийн хүрээ амаржих газар нь БНМАУ-ын Сайд нарын зөвлөлийн тогтоолоор 1959 оны Хан-Уул дүүргийн нэгдсэн эмнэлэгт 4 ортой төрөх тасаг нээгдсэнээр суурь нь тавигджээ. Улмаар Эрүүлийг хамгаалах яамны сайдын 1959 оны 12-р сарын 26-ны 244 тушаалаар одоогийн байранд 75 ортойгоор II амаржих газар нэртэйгээр нээгдэж байсан түүхтэй. Тус эмнэлэг нь Сонгино-Хайрхан дүүргийн 22 хорооны 68000 гаруй нөхөн үржихүйн насны эмэгтэйчүүдэд эх барихын нарийн мэргэжлийн тусламж үйлчилгээг үзүүлж байна.
Б.Баярчимэг
