Үхрийн цул махны үнэ өмнөх долоо хоногоос 0.1 хувиар буурч килограмм нь 22570 төгрөгийн үнэтэй байна. Харин ястай махны үнэ 0.4 хувиар өсөж дунджаар 19680 төгрөгийн үнэтэй байгааг Нийслэлийн статистикийн газар мэдээлжээ. Зах худалдааны төвүүдэд үхрийн цул мах килограмм нь дунджаар 23 мянган төгрөгийн үнэтэй байгаа бол хамгийн хямд нь "Хархорин" захад килограмм нь 20 мянган төгрөг байна.
Үндэсний статистикийн хороо болон Нийслэлийн статистикийн газраас долоо хоног бүр өргөн хэрэглээний хүнс, гол нэрийн бараа бүтээгдэхүүний үнэ ханшийг танилцуулдаг. ҮСХ-ны мэдээллээр, энэ сарын 17-ны байдлаар гол нэрийн зарим барааны үнэ өмнөх сараас 2.5 хувиар өссөн бол өмнөх долоо хоногтой харьцуулахад өөрчлөлтгүй гарчээ.
