Иргэн цахим хуудсаараа дамжуулан “Зорчигч тээвэр хоёр” ОНӨААТҮГ-ын 2-218 гарааш дугаартай автобусны жолооч "Хэл амаар доромжилсон гомдолтой байна. Хариуцлага тооцож өгнө үү” гэх гомдол гаргасныг НТБГ-аас хянаж шалгажээ.
Хянаж үзэхэд, тухайн зорчигчийн картын мөнгөний үлдэгдэл хүрэлцэхгүй байсан тул жолооч хууль ёсны дагуу зорчих хөлсөө төлөхийг шаардахад, уурлан хэл амаар доромжилсон нь тогтоогдсон байна.
НТБГ-аас "Нийтийн тээврийн автобусны хяналтын камер тухайн орчны үйл явдлыг дуу, дүрсний өндөр нягтаршилтайгаар бичдэг болохыг анхааруулъя.
Зорчигч та соёлтой боловсон үйлчлүүлнэ үү" гэж мэдэгдлээ.
