Хөлбөмбөгийн холбоог тойрсон санхүүжилттэй холбоотой асуудал маргаан дагуулж, хөлбөмбөг сонирхогчид, клубууд ээлж дараалан шаардлага хүргүүлж, эсэргүүцлээ илэрхийлсээр багагүй хугацааг үдлээ. Үүнтэй холбоотойгоор, олон улсын холбооноос аудит оруулахаар болсон байна. Энэ талаар Спортын тайлбарлагч Б.Батзаяа, "Олон Улсын Хөлбөмбөгийн Холбоо буюу FIFA-аас аудитын хүн ирж байна шүү" гэжээ.
Тэрбээр өмнө нь "Манай улсын хөлбөмбөгийн холбоо 2016-2022 оны хооронд олон улсын хөл бөмбөгийн холбоо болон холбоодоос 11,4 сая ам.долларын тусламж авсан байдаг. Монгол төгрөгөөр ойролцоогоор 40 тэрбум төгрөг гэсэн үг. Гэтэл хөлбөмбөгийн спортыг хөгжүүлэх нь байтугай дээд лигт орж байгаа багуудынхаа шагналын мөнгийг өгч чадахгүй байна" хэмээн мэдэгдэж байсан юм.
