Чингэлтэй дүүргийн хэмжээнд ЕБС сурагчдыг усан бассейны сургалтад хамруулах бэлтгэл ажил явагдаж байна. Сургалт Чингэлтэй дүүргийн Биеийн тамир, спорт хорооны бассейнд явагдах аж.
Энэ талаар тус дүүргийн Засаг дарга Н.Мандуул "Энэ сарын 17-ноос эхлээд дүүргийн сурагчдыг усан спортын сургалтад өдрийн 4 ээлжээр, нэг ээлжинд 25 хүүхдийг хамруулна.
Аюулгүй байдлыг хангах зорилгоор нэмэлтээр ажиллах багш нарын сургалт хийгдэнэ. Мөн, эрүүл мэндийн шинжилгээг дүүргийн нэгдсэн эмнэлэг дээр зохион байгуулна" хэмээлээ.
