НИТХ-аас баталсан тогтоолын дагуу энэ оноос эхлэн нийтийн тээврээр 1000 төгрөгөөр зорчихоор болсон. Энэ тариф нэгдүгээр сарын 1-нээс мөрдөгдөх байсан ч техникийн шинэчлэлээс шалтгаалж, түр хойшлоод байсан юм.
Тэгвэл ирэх хоёрдугаар сарын 1 буюу бямба гарагаас шинэ тариф мөрдөгдөж эхлэхээр болсон байна.
Тодруулбал, Чингис хаан ОУНБ руу зорчихоос бусад чиглэлийн автобусаар зорчихдоо том хүн 1000 төгрөг төлөх бол хүүхэд хуучин тарифаар буюу 200 төгрөгөөр зорчих юм.
Ингэхдээ дээрх тарифыг нэг удаа төлснөөр тухайн өдөртөө гурван удаа дамжин суух аж. Мөн дамжин суухын тулд буухдаа картаа заавал уншуулсан байх ёстойг холбогдох газраас анхаарууллаа.
