Нийтийн тээврийн бодлогын газрын 7004-4040 дугаарын утсанд иргэдийн санал, хүсэлт, гомдлыг 24 цагаар авч байгаа аж. Сүүлийн хоёр өдөр тус газарт ирсэн зарим гомдол, мэдээллээс онцолбол,
-Баянгол дүүргийн 32 дугаар хорооны иргэн Ө “Зорчигч тээвэр-1” ОНӨААТҮГ-ын 1-007 гараашийн дугаартай автобусны жолооч Ч:2 “Шархад-3,4 дүгээр хороолол” чиглэлд ажиллахдаа Цэргийн чуулгаас 3, 4-р хорооллын эцэс хүртэл тасралтгүй утсаар ярьж замын хөдөлгөөнд оролцохдоо огцом тоормос гишгэн, зорчигчоо зааланд унагасан. Шаардлага тавьсан чинь "Бариулаас барьж явахад яадаг юм" гэж загнасан гэх гомдол гаргажээ.
Улмаар НТБГ-аас тус жолоочийг дуудаж шалгахад, чихэвчээр ярьсан бөгөөд тоормос гишгэхэд хүн унаагүй нь тогтоогдсон тул цаашид дүрмийн дагуу анхаарал болгоомжтой ажиллахыг сануулсан байна.
