УИХ-ын ээлжит чуулган үргэлжилж байна. Хуралдаанаар СЗХ-ны Хяналтын зөвлөлийн даргад газар зохион байгуулагч мэргэжилтэй М.Буяндэлгэрийг сонгосон. Үүнтэй холбоотойгоор УИХ-ын дэд дарга Х.Булгантуяа шүүмжлэлтэй байр суурийг илэрхийлэв.

Тэрбээр "Санхүүгийн зохицуулах хорооны ХЯНАЛТЫН ЗӨВЛӨЛИЙН ДАРГАД газар зохион байгуулагч, газар зохион байгуулагчаараа 20 жил ажиллаж Газрын харилцаа, геодези, зураг зүйн газрын орлогч дарга байсан хүнийг сонголоо. Санхүүгийн салбар ийм байхад яаж хөгжих юм бол оо. Иргэд санхүүгийн зах зээлд яаж итгэх вэ" гэжээ.