Нийслэлийн Цагдаагийн Удирдах Газраас 2019 оны ажлаа өнөөдөр /2019.01.14/ тайлагналаа. Өнгөрсөн онд нийслэлийн хэмжээнд гэмт хэрэг буурч, гэмт хэргийн илрүүлэлт нэмэгдсэн байна. Улаанбаатар хотын хэмжээнд дуудлага, мэдээлэл 87292 буюу 17.3%, гэмт хэрэг 5391 буюу 21.0% буурсан бол гэмт хэргийн илрүүлэлт 10.1%-иар өсчээ.

2019 онд нийт бүртгэгдсэн гэмт хэргээс хулгайн гэмт хэрэг 6537,  хүний эрүүл мэндийн халдашгүй байдлын эсрэг 5183, залилах гэмт хэрэг 3859 удаа хамгийн их бүртгэгджээ. Өмнөх онтой харьцуулахад 3002 буюу 17.1%, 684 буюу 11.7%, 876 буюу 18.5%-иар буурсан үзүүлэлттэй байгаа ч хамгийн их бүртгэгддэг гэмт хэрэгт тооцогдсон хэвээр байна. Гэмт хэргийн гаралт ихэнх дүүрэгт буурсан үзүүлэлттэй байгаа бөгөөд хамгийн их гэмт хэрэг үйлдэгддэг дүүрэг Баянзүрх дүүрэг байна.

Б.Жаргалмаа