Дүүжин тээвэртэй холбоотой асуудлаар хотын дарга Х.Нямбаатар мэдээлэл өгөв. Тэрбээр хэлэхдээ "Энэ бол 2018 онд эхэлсэн төсөл. Төслийн тоног төхөөрөмж нь Франц улсынх байх ёстой. Эхнээсээ Замын-Үүдийн боомтоор орж ирж байгаа. Ирэх оны зургаадугаар сард үндсэн цамхаг, кабинаа угсрах ажлаа хийж дуусна. Дүрмээрээ угсралт хийснээс хойш бүтэн зургаан сар зорчигч суулгалгүй туршилтын тээвэрлэлт хийх ёстой. Бид энэ цаг хугацааг нь наашлуулж, ирэх оны есдүгээр сарын 1-нээс өмнө Улсын комисс хүлээж авах шаардлагыг тавьж байгаа.

Нийслэлийн зүгээс зөвшилцөх бүх ажлаа хийж дуусгасан. Одоо газар чөлөөлөлтийн ажил "Хархорин" худалдааны төвийн баруун талд байдаг "Барс-2″ худалдааны төвийн зарим хэсгийг буулгана. Бас хажуугийн нэг объектыг буулгана. Бид өмчлөгч иргэдтэй тохиролцсон байгаа" гэлээ.