Засгийн газрын ээлжит хуралдаанаас гаргасан шийдвэрийг сайд нар танилцуулав. Энэ үеэр Байгаль орчин, уур амьсгалын өөрчлөлтийн сайд С.Одонтуяа "2023 онд татан буугдсан “Агаар орчны бохирдлыг бууруулах үндэсний хороо”-г дахин байгуулахаар боллоо. Үндэсний хороо агаарын бохирдлыг бууруулахад яаралтайгаар болон дунд, урт хугацаанд авч хэрэгжүүлэх арга хэмжээг төлөвлөгөө гаргаж ажиллана. Иргэдийн дунд эргэлзээтэй байгаа мэдээллүүдэд нэгдсэн ойлголт өгөх нь чухал" гэв.