Сүүлийн өдрүүдэд хүйтний эрч чангарч байгаа тул айл өрхүүдийн галлагаа нэмэгдэхийн хэрээр гал түймрийн эрсдэл нэмэгдэх болжээ. Ялангуяа, ахуйн гал түймрийн дуудлагын зонхилох шалтгаан нөхцлийг яндангийн цонолт, ил гал, цахилгаан ашиглалт, угсралтын буруугаас үүдэлтэй дуудлага эзэлж байгааг онцгой байдлын газраас сэрэмжлүүлэв. Эдгээр шалтгаан нөхцлийн улмаас иргэд эрүүл мэнд, эд хөрөнгө, цаг хугацаагаараа хохирч байна. Зөвхөн өнгөрсөн 7 хоногт гэхэд л өвөл зуны сууц 20, автомашин 8, хогийн суваг 6, агуулах, барилга байгууламж 5, орон сууцанд эд хогшил 5, гэр 3, граж 2 шатсан гал түймрийн дуудлага бүртгэгдэж алба хаагчид шуурхай ажилласан байна.

Иймд пийшин, зуух, яндангийн галын аюулгүй байдлыг ханган, угаарын хийн мэдрэгчийн хэвийн ажиллагааг тогтмол шалгаж, цахилгааны хэт ачаалал үүсгэхгүй байхыг нийслэлийн Онцгой байдлын газраас анхааруулж байна.