НИТХ-ын ээлжит бус II хуралдаан үргэлжилж байна. Хуралдааны эхэнд НЗД бөгөөд Улаанбаатар хотын Захирагч Х.Нямбаатар ирэх оны нийслэлийн төсвийн төслийг танилцууллаа.
Тэрбээр танилцуулгадаа "Автомашины татварын хэмжээг 2013 оноос хойш өөрчлөлгүйгээр 12 дахь жилдээ мөрдөж байна. Автотээврийн болон өөрөө явагч хэрэгслийн албан татвар, авто зам ашигласны татварыг хууль тогтоомжийн дагуу нэмэгдүүлснээр нийслэлийн авто замын сүлжээг сайжруулах, түгжрэлийг бууруулахад эерэг нөлөө үзүүлнэ.
Ирэх онд АТБӨЯХТ-ыг 2-3 дахин, авто зам ашигласны төлбөрийг 3-5 дахин нэмэгдүүлэн тогтоож, нийслэлийн Замын сангийн орлогыг 151.5 тэрбум төгрөгөөр нэмэгдүүлэхээр төсвийн төсөлд тусгалаа" гэв.
