Энэтхэг улс Монголоос нүүрс импортлох гарц хайж, энэ сард тус улсын томоохон төлөөллүүд иржээ. Тус улс төмөр замын тээврээр Оросоор дамжуулан нүүрс импортлох сонирхолтой байгаагаа илэрхийлжээ. Энэ талаар "Улаанбаатар төмөр зам" ХНН-ийн мэдээлснээр, хоёр улс эхний ээлжинд туршилтын тээвэр хийхээр ярьж байгаа аж.

Монголын уул уурхайн экспортын бүтээгдэхүүн, тэр дундаа коксжих нүүрсийг төмөр замаар, ОХУ-аар дамжуулан Энэтхэг улс руу хүргэх боломжийн талаар Энэтхэг Улсаас Монгол Улсад суугаа Онц бөгөөд бүрэн Эрхт Элчин сайд Ноён Атул Малхари Готсурве, УБТЗ-ын Нэгдүгээр орлогч дарга О.А.Казаков нар санал солилцсон юм байна.