Чөлөөт бөхийн ДАШТ-ний анхны эмэгтэй медальт, гавьяат тамирчин Ц.Энхжаргалын нэрэмжит эмэгтэйчүүдийн цомын аварга шалгаруулах тэмцээн энэ сарын 19-20-нд Спортын төв ордонд болно. Энэхүү тэмцээн 10 жингийн аваргаар зохиогдож, шилдгүүдээ тодруулах юм. “Будапешт-2005” ДАШТ-ний хүрэл, Ази тивийн АШТ-ний хошой алт, гурван мөнгө, хошой хүрэл медальт Монгол улсын 10 удаагийн аварга Ц.Энхжаргал тэмцээний үеэр зодог тайлах ёслолоо хийх аж.
