БНСУ-аас нутаг буцах хүсэлт гаргасан иргэдийн өргөдлийг Улсын Онцгой Комисст тухай бүр хүргүүлж ирсэн тухайгаа Монгол улсаас БНСУ-д суугаа Элчин Сайдын Яамны консулын хэлтэс цахим сүлжээнд нийтэлжээ. 2020 оны аравдугаар сарын 08-ны пүрэв гарагийн байдлаар Консулын хэлтэс нийт 4621 иргэний өргөдлийг хүлээн авчээ.

Тодруулбал, Өргөдөл гаргасан иргэдийн 39 буюу 1 хувийг өндөр настан /асран хамгаалагчийн хамт/, 402 буюу 9 хувийг 0-18 насны хүүхэд /асран хамгаалагчийн хамт/, 20 буюу 0,5 хувийг жирэмсэн эх /асран хамгаалагчийн хамт/, 66 буюу 1,3 хувийг эрүүл мэндийн шалтгаантай иргэд /асран хамгаалагчийн хамт/, 6 буюу 0.2 хувийг хөгжлийн бэрхшээлтэй иргэд /асран хамгаалагчийн хамт/, үлдсэн 4088 буюу 88 хувийг бусад хүндэтгэн үзэх шалтгаантай иргэд эзэлж байгаа аж.

Эх сурвалж: Монгол улсаас БНСУ-д суугаа Элчин Сайдын Яамны консулын хэлтэс