Монгол Улсын 2025 оны төсвийн төслийн зардлыг 35.8 их наядаас бууруулах талаар УИХ-ын гишүүн Д.Энхтүвшин, Г.Тэмүүлэн, Ж.Баярмаа, Б.Түвшин нар мэдээлэл хийж, шаардаж байна. Энэхүү шаардлагаа Ерөнхий сайд Л.Оюун-Эрдэнэд хүргүүлж байгаа юм.
Энэ үеэр УИХ-ын гишүүн Б.Түвшин "ЗГ-ын 2024 оны урсгал зардлыг "Үргүй зардал" гэсэн аудитын дүгнэлт гарсаар байтал 26 их наяд болгож нэмэгдүүлсэн. Урсгал зардал бол тухайн жилдээ гараад дуусдаг зардал. Уул уурхайгаас олж буй орлогоо энэ мэт үргүй зардалд өгөөд байвал дахиад л зардал нэхнэ. Бид энэ мэтчилэн нийт орлогынхоо 77 хувийг урсгал зардалд зарцуулж байгаа. Тийм учраас урсгал зардлаас үр ашиггүй хэсгийг нь хасах хэрэгтэй гэсэн саналыг гаргаж байна" гэлээ.
