УИХ-ын чуулганы үдээс хойшх хуралдаанд Ерөнхий сайд Л.Оюун-Эрдэнэ оролцоогүйн улмаас УИХ-ын гишүүд Дэгийн тухай хуулийг өөрчлөх талаар санал гаргаж эхлэв. Тэгвэл УИХ-ын дарга Д.Амарбаясгалан "Гишүүд юм л болбол өөрийнхөө үзэл бодолд тааруулж Дэгийн хуулийг өөрчилье гэж ярьдгаа таслан зогсоо. Байгаа дэг, хууль дүрэмдээ зохицож ажиллаж амьдрах ёстой. Энэ муу дэг биш шүү. Олон улсын түвшинд, парламент хөгжсөн улс орнуудын жишигт нийцсэн дэг байгаа" гэлээ.