Нийслэлийн худалдан авах ажиллагааны газрын албан хаагчид БНХАУ-ын Хайнаньд явж байгаад нэг нь өндрөөс унаж амь насаа алдсан харамсалтай хэрэг аравдугаар сарын 22-нд гарсан. Ямартай ч эх сурвалжийн мэдээллээр талийгаач нь Нийслэлийн худалдан авах ажиллагааны газрын Төлөвлөлт худалдан авах ажиллагааны хэлтсийн дарга О байжээ.

Тэгвэл энэ талаар Гадаад харилцааны сайд Б.Батцэцэг "Бээжин дахь элчин сайдын яам, консулын газар ажиллаж байгаа. БНХАУ-ын хууль хяналтын байгууллагуудтай хамтран ажиллаж байна. Талийгаачийн хувийн мэдээлэл болон хэргийн талаар мэдээлэл өгөх ёсгүй. Урьдчилсан байдлаар гадны нөлөөгүй нас барсан гэдгийг Хятадын хуулийн байгууллагаас өгсөн. Ар гэр нь Хайнанд очсон. Мэдээж тэдэнд хэцүү байгаа" гэв.