УИХ-ын Эдийн засгийн байнгын хороогоор “Төрөөс мөнгөний бодлогын талаар 2025 онд баримтлах үндсэн чиглэл батлах тухай” Улсын Их Хурлын тогтоолын төсөл /Монголбанк 2024.09.27-ны өдөр ирүүлсэн/-ийг хэлэлцлээ.

Энэ үеэр Монголбанкны Ерөнхийлөгч Б.Лхагвасүрэн гишүүдийн асуултад хариулсан юм. Тэрбээр валютын нөөцийн талаарх УИХ-ын гишүүн Ж.Ганбаатарын асуултад "Өмнө нь жилд 50-60 мянган автомашин хилээр орж ирдэг байсан бол энэ оны эхний 8 сарын байдлаар 85 мянган автомашин орж ирээд байна. Энэ нэмэгдэл нь валютын нөөц нэмэгдэхэд саад болж байна" гэх хариултыг өглөө.