Аймаг, нийслэл, сум, дүүргийн ИТХ-ын сонгууль баасан гарагт явагдаж, дүнгээ гаргасан. Нийслэлд 45 мандатаас 40-ийг нь МАН, тавыг нь АН авсан бол ХҮН нам ямар ч суудал аваагүй. Харин орон нутагт 21 аймгаас 14-т нь МАН, долоод нь АН-аас нэр дэвшигчид ялалт байгуулаад байна.
Тэгвэл бид аль аймгийн Засаг дарга, ИТХ-ын дарга нар ялалт байгуулж мөн ялагдал хүлээсэн талаарх мэдээллийг хүргэж байна. Тухайлбал,
- Архангай аймгийн Засаг дарга Б.Цэрэннадмид Булган сумын 2-р тойрогт МАН-аас нэр дэвшиж 932 хүний санал авч ялалт байгуулжээ.
- Булган аймгийн Засаг дарга Б.Ариун-Эрдэнэ Хутаг-Өндөр сумын 15-р тойрогт АН-аас нэр дэвшиж 981 санал авч дөрөвдүгээрт жагссан байна. Өөрөөр хэлбэл, тус тойрог нь гурван мандаттай учраас тэрбээр ялагдал хүлээгээд байгаа юм. Харин түүний өрсөлдсөн тойрогт МАН-аас нэр дэвшигч Одбаатарын Далайцэрэн 1058 санал авч ялалт байгуулжээ.
- Говь-Алтай аймгийн Засаг дарга Г.Чинбат Бугат сумын 14-р тойрогт АН-аас нэр дэвшиж 507 саналтайгаар ялалт байгуулжээ.
- Дархан-Уул аймын Засаг дарга Б.Азжаргал 17-р тойрогт МАН-аас нэр дэвшиж 590 саналтайгаар ялалт байгуулжээ.
- Дорноговь аймгийн Засаг дарга О.Батжаргал Сайншанд 11-р тойрогт МАН-аас нэр дэвшиж 1168 саналтайгаар нэгдүгээрт жагсаж, ялалт байгуулсан байна. Тус тойрог нь гурван мандаттай бөгөөд гурвууланд нь МАН-аас нэр дэвшигчид ялалт байгуулжээ.
- Дорнод аймгийн Засаг дарга Борын Бат-Эрдэнэ Хэрлэн 17-р тойрогт МАН-аас нэр дэвшиж, 944 саналтайгаар ялалт байгууллаа. Тус тойрог нь хоёр мандаттай бөгөөд хоёрдугаарт АН-аас нэр дэвшигч С.Ганбат 917 саналтайгаар жагсжээ.
- Дундговь аймгийн Засаг даргын үүргийг гүйцэтгэгч Мөнхтөрийн Анхбаяр нь АН-аас Сайнцагаан 8-р тойрогт нэр дэвшсэн ч 394 саналтайгаар МАН-аас нэр дэвшигч Төгсийн Мөнхбаярт нэгхэн саналын зөрүүгээр ялагдсан байна. М.Анхбаяр нь тус аймгийн АН-ын дэд даргын албыг мөн хашдаг аж.
- Завхан аймгийн Засаг дарга Г.Өнөрбаяр Их-Уул 8-р тойрогт МАН-аас нэр дэвшиж 1922 саналтайгаар нэгдүгээрт жагсаж, ялалт байгуулсан байна. Тус тойрог хоёр мандаттай бөгөөд мөн МАН-аас нэр дэвшигч Д.Мягмардорж хоёрдугаарт жагсжээ.
- Орхон аймгийн Засаг дарга Мишигийн Түмэнжаргал нь Баян-Өндөр 18-р тойрогт МАН-аас нэр дэвшиж, 676 саналтайгаар ялалт байгуулжээ. Тус тойрог хоёр мандаттай. Хоёрдугаарт, АН-аас нэр дэвшигч Л.Давааням 632 саналтайгаар жагссан байна.
- Сэлэнгэ аймгийн Засаг дарга Н.Лхагвадорж Мандал 10-р тойрогт МАН-аас нэр дэвшиж, 1569 саналтайгаар ялалт байгуулсан байна. Хоёр мандаттай тойрог учраас АН-аас нэр дэвшигч Сүхээгийн Мөнхбат 1199 саналтайгаар хоёрдугаарт жагсжээ.
- Сүхбаатар аймгийн Засаг дарга М.Идэрбат нь Баруун-Урт 19-р тойрогт АН-аас нэр дэвшиж, 761 саналтайгаар ялалт байгуулжээ. Хоёрдугаарт, мөн АН-аас нэр дэвшигч Д.Мөнхзул 741 саналтай бичигдсэн байна.
- Төв аймгийн Засаг дарга Д.Мөнхбаатар Баянчандмань 13-р тойрогт МАН-аас нэр дэвшиж, 1137 саналтайгаар ялалт байгуулжээ. Тус тойрог гурван мандаттай бөгөөд мөн МАН-аас нэр дэвшигч Б.Уранжаргал 794 саналаар хоёрт бичигдсэн байна. Харин гуравдугаарт АН-аас нэр дэвшигч Э.Улаанхүү 672 саналтайгаар бичигдсэн аж.
- Ховд аймгийн Засаг даргын үүрэг гүйцэтгэгч Х.Батболд Жаргалант 9-р тойрогт МАН-аас нэр дэвшиж, 479 саналтайгаар ялалт байгуулжээ.
- Хэнтий аймгийн Засаг дарга Ц.Чогсомжав Хэрлэн 21-р тойрогт МАН-аас нэр дэвшиж, 1177 саналтайгаар ялалт байгуулжээ. Гурван мандаттай энэ тойрогт мөн МАН-аас нэр дэвшигч А.Баярмаа 902 саналтайгаар хоёрдугаарт жагссан бол АН-аас нэр дэвшигч Д.Эрдэнэбаатар 900 саналтайгаар гуравдугаарт жагсжээ.
- Хөвсгөл аймгийн Засаг дарга П.Лхагважав нь АН-аас нэр дэвшиж, 1096 саналтайгаар ялалт байгуулжээ.
- Өвөрхангай аймгийн Засаг дарга И.Доржсүрэн МАН-аас нэр дэвшиж, 665 саналтайгаар ялалт байгуулжээ.
- Өмнөговь аймгийн Засаг даргын үүргийг гүйцэтгэгч Ц.Дэнээдорж АН-аас нэр дэвшиж, 1054 саналтайгаар ялалт байгуулжээ. Хоёр мандаттай энэ тойрогт мөн АН-аас нэр дэвшигч А.Гантулга 898 саналаар хоёрдугаарт бичигдсэн байна.
- Баян-Өлгий аймгийн Засаг дарга А.Камелият МАН-аас 21-р тойрогт нэр дэвшиж, 599 саналтайгаар ялагдал хүлээжээ. Харин АН-аас нэр дэвшигч К.Бахытжан 835 саналаар ялалт байгуулсан байна.
- Баянхонгор аймгийн Засаг дарга Д.Мөнхсайхан МАН-аас Баянхонгор 10-р тойрогт нэр дэвшиж, 741 саналтайгаар хоёрт жагсжээ. Харин хоёр мандаттай энэ тойрогт АН-аас нэр дэвшигч Т.Баярмагнай 933 саналаар нэгдүгээр жагссан байна.
Сэтгэгдэл (1)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!