Үндэсний статистикийн хорооноос Монгол Улсын нийгэм, эдийн засгийн 8 сарын үзүүлэлтийг танилцуулж байна.

-----------------------------------

Инфляци энэ оны наймдугаар сард улсын хэмжээнд 6.5 хувь, Улаанбаатарт 6.2 хувьтай гарлаа. Хэрэглээний бараа үйлчилгээний үнийг тодорхойлдог инфляци өмнөх сараас нэмэгдэхэд импортын бараа, боловсролын үйлчилгээний үнэ өссөн нь голлох нөлөө үзүүлжээ. Гэсэн ч өмнөх оны мөн үетэй харьцуулахад инфляци 3.5 нэгжээр буурсан үзүүлэлт юм.

Хэрэглээний бараа үйлчилгээний үнэ энэ оны найман сард улсын хэмжээнд жилийн өмнөхөөс 6.5 хувь, өмнөх сараас 0.8 хувиар тус тус өссөн байна. Үүнд, хүнсний бараа буюу ундаа усны бүлгийн дүнгээр 7.3 хувь, хувцас бөс бараа гутлын үнэ 7.2 хувь, гэр ахуйн бараа, тавилга 6.5 хувь, зочид буудал нийтийн хоол 7.4 хувь, боловсролын үйлчилгээний бүлгийн дүн 18.6 хувиар өссөн нь голлон нөлөөлжээ.