НИЙГМИЙН ДААТГАЛЫН ҮНДЭСНИЙ ЗӨВЛӨЛИЙН ДЭРГЭДЭХ ОРОН ТООНЫ БУС МЭРГЭЖЛИЙН ХОРООНД АЖИЛЛАХ МЭРГЭЖЛИЙН ГИШҮҮДИЙГ НЭЭЛТТЭЙ СОНГОН ШАЛГАРУУЛАЛТАД УРЬЖ БАЙНА
- Эрсдэлийн удирдлагын асуудал хариуцсан 3 гишүүн;
- Актуар тооцоолол хийх 2 гишүүн;
- Хөрөнгө оруулалтын асуудал хариуцсан 2 гишүүн;
- Аудитын асуудал хариуцсан 2 гишүүн;
Мэргэжлийн хороо нь Нийгмийн даатгалын үндэсний зөвлөлийн дэргэдэх орон тооны бус мэргэжлийн хорооны ажиллах журмын 2 дугаар зүйлийн 2.2 дахь хэсэгт заасны дагуу дараах үйл ажиллагааг үндсэн чиг үүрэг болгон ажиллана.
- Нийгмийн даатгалын сангийн орлогын бүрдүүлэлт, төсвийн зарцуулалтад хяналт тавих, нийгмийн даатгалын сангийн чөлөөт үлдэгдэл болон эрсдэлийн сангийн хөрөнгийг банканд байршуулах, санхүүгийн хэрэгсэлд хөрөнгө оруулахад судалгаа тооцоолол хийх, эрсдэлийг үнэлэх, дүгнэлт, санал боловсруулах;
- Хүн амын насны бүтэц, интервалаар тооцсон тооцоолол, төрөлтийн хувь хэмжээний өөрчлөлт, үнийн өсөлт зэрэг нийгэм,эдийн засгийн өөрчлөлтийн хүчин зүйлүүдийн нөлөөллийг харгалзан нийгмийн даатгалын сангуудын орлого зарлага, ажил олгогч, даатгуулагчаас төлөх шимтгэлийн хувь хэмжээ, тэтгэвэр тэтгэмжийн хэмжээ зэрэг нийгмийн даатгалын тогтолцоонд зайлшгүй шаардлагатай хэтийн тооцоолол хийх, санал боловсруулах;
- Нийгмийн даатгалын сангуудын орлого, зарлагын хэтийн төлөв байдал, даатгуулагч, тэтгэвэр авагчдын тоо хэмжээ ирээдүйд хэрхэн өөрчлөгдөхийг тооцож, нийгэм эдийн засаг, холбогдох хууль тогтоомжийн шинэчлэлт өөрчлөлтийн нөлөөллийг харгалзан сангийн хэтийн төлөвийг тооцож, нийгмийн даатгалын шийдвэрт тусгуулах, санал боловсруулах;
- Нийгмийн даатгалын сангуудын чөлөөт үлдэгдлийг санхүүгийн хэрэгсэлд хөрөнгө оруулахтай холбоотой судалгаа тооцоолол хийж, дүгнэлт, санал боловсруулах;
- Тухайлсан хуулиар зохицуулсан эрүүл мэнд, боловсрол, орон сууцны ипотекийн санхүүжилтэд хөрөнгө оруулахтай холбоотой судалгаа, тооцоолол хийх, санал дүгнэлт боловсруулах;
- Нийгмийн даатгалын хууль тогтоомж, Үндэсний зөвлөлийн тогтоол шийдвэрийн хэрэгжилтэд болон хууль тогтоомжуудын нийцэлд аудит хийж, үнэлэлт дүгнэлт өгөх, цаашид авах арга хэмжээний талаар санал, дүгнэлт гаргах;
Мэргэжлийн хорооны гишүүний сонгон шалгаруулалтад оролцогч нь дараах шаардлага хангасан байна.
- Монгол улсын иргэн байх;
- Хууль эрх зүй, эдийн засаг, санхүү банкны чиглэлээр магистраас дээш боловсрол эзэмшсэн;
- Мэргэшсэн чиглэлээрээ нийгмийн даатгал, статистик, аудит зэрэг байгууллагад 10-аас доошгүй жил ажилласан байх;
- Мэргэжлийн ёс зүй, ашиг сонирхол, нэр хүндийн хувьд мэргэжлийн хорооны үйл ажиллагаанд сөргөөр нөлөөлөхгүй байх;
- Өмнө нь удирдаж байсан хуулийн этгээдийг өөрийн буруутай үйл ажиллагааны улмаас дампууруулаагүй байх;
- Хугацаа хэтэрсэн нийгмийн даатгалын шимтгэлийн өр төлбөргүй /бүх төрлийн тэтгэвэр авагч хамаарахгүй/ байх;
- Эрүүгийн хуульд заасан авлига, албан тушаалын гэмт хэрэг үйлдэж шүүхээр ял шийтгүүлж байгаагүй;
Дээрх шаардлагыг хангасан мэргэжлийн хорооны гишүүний сонгон шалгаруулалтад оролцогч дараах баримт бичгийг бүрдүүлж ирүүлнэ.
- Сонгон шалгаруулалтад оролцогчийн асуулга; (gov.mn-маягт татах)
- Боловсролын түвшин тодорхойлсон баримт бичиг;
- Хорооны гишүүнээр ажиллах зорилго, хүсэл эрмэлзэл, хийх ажил, өөрийн мэдлэг, ур чадвараа илэрхийлсэн хүсэлт;
- Иргэний үнэмлэхийн хуулбар;
- Цээж зураг 4х3-ийн хэмжээтэй 2 хувь;
Сонгон шалгаруулалтад оролцогчдын материалыг 2024 оны 09 дүгээр сарын 06-ны өдрийн 09:00 цагаас 09 дүгээр сарын 27-ны өдрийн 17:00 цаг хүртэл Нийгмийн даатгалын үндэсний зөвлөлийн ажлын албанд бичгээр болон [email protected] цахим хаягаар дамжуулан хүлээн авч бүртгэнэ.
Сонгон шалгаруулалтад ирүүлсэн материалыг үндэслэн 2024 оны 09 дүгээр сарын 27-ний өдрөөс 10 дугаар сарын 25-ны өдрийн дотор сонгон шалгаруулах бөгөөд Нийгмийн даатгалын үндэсний зөвлөлийн ажлын алба хариуцан зохион байгуулна.
Холбоо барих
- Цахим шуудангийн хаяг: [email protected]
- Холбоо барих утас: 976-11-322936
НИЙГМИЙН ДААТГАЛЫН ҮНДЭСНИЙ ЗӨВЛӨЛИЙН АЖЛЫН АЛБА
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!