Монголын рок попын уран бүтээлчид, хамтлаг дуучид сонсогч фэнүүддээ зориулан ээлж дараалан тоглолтоо зохион байгуулж буй. Тэгвэл Фантастик продакшны Б.Барслхагва өөрийн цахим хуудаснаа "Гала" хамтлагийг тоглолтоо хийхгүй юм уу" гэж пост бичсэнд Ану буюу дуучин Ч.Уранхолбоо "Гала хамтлаг төлөвлөсөн зүйлтэй, тоглолтын тов гаргасан байгаа" гэж хариулсан байдаг.

Энэ талаар Ч.Уранхолбоогоос тодруулахад "Би хоёр өдрийн өмнө Хилийн чанад дахь Монголчуудын зөвлөлийн хүндэт элчээр сонгогдсон. Тиймээс Гала хамтлаг ирэх арваннэгдүгээр сард тоглолтоо АНУ-аас эхлүүлнэ. Гэхдээ дэлхийгээр аялан тоглолт хийхгүй. АНУ-д тоглолтоо хийснийхээ дараа Монголдоо тоглолт хийнэ. Одоохондоо тов нь нууц хэвээр байсан нь дээр байх. Гэхдээ шинэ жилийн үеэр тоглолтоо цомхон хүрээнд хийж магадгүй. Одоогоор албан ёсны тов яг батлагдаагүй байна" гэв.