Олимпын наадмын чөлөөт бөхийн эрэгтэйчүүдийн 65 кг-ын жингийн барилдаан үргэлжилж байна. Энэ жинд МУГТ Т.Тулга эх орноо төлөөлөн оролцож буй.

Тэрбээр Кубын тамирчин Вальдес Тобиег 5:0 харьцаатайгаар ялж, шөвгийн 8-д шалгарлаа. Шөвгийн наймын барилдаанд Армени Улсын тамирчин Вазген Теванянтай учраа таарав.

Вазген Теванян нь 24 настай Дэлхийн аваргын хүрэл, Европын аваргын алтан медальт тамирчин юм.