А13 дугаартай Хутаг-Өндөр-Тэшиг улсын хил чиглэлийн 44км буюу Булган аймгийн Тэшиг сумын Эгийн гүүр үерийн улмаас зорчих боломжгүй болсон. Өнөөдрийн байдлаар усны түвшин багасаж, Эгийн гүүрний том жижиг 2 гүүрний хоорондох хэсэг газар далан сэтэрсэн.

Сэтэрсэн хэсгээр үерийн усны урсац ихтэй байна. Одоогоор зорчих хөдөлгөөн хийх боломжгүй байгаа тул зайлшгүй шаардлагатай Тэшиг сумаас гарах хөдөлгөөн хийх иргэдийг завиар гаргаж байгаа. Зам, тээврийн хөгжлийн төв ТӨҮГ болон зам хариуцагч Булган АЗЗА ТӨХК-ийн инженер, техникийн ажилчид гүүрийг засварлаж, хөдөлгөөнийг нээхээр шуурхай ажиллаж байна.