Өмнөд Хятадын Шэньжэн хот /Гуандун муж/ тэнгэр баганадсан барилгуудын тоогоор Нью-Йорк хотыг гүйцэж түрүүлж, Хонконгийн дараа бичигджээ.

Олон улсын өндөр барилга байгууламж, хотын орчны зөвлөлийн мэдээлэлд дурдсанаар, дөчин жилийн өмнө загасчны тосгон байсан Шэньжэн хотод одоо шилэн болон бетонон 289 цамхаг сүндэрлэж буй. Эдгээр нь 150 метр болон түүнээс дээш өндөр /дунджаар 40 давхар/ бүрэн баригдаж дууссан барилгууд юм. Харин Америкийн хамгийн том метрополис хот болох Нью-Йоркт тэнгэр баганадсан ийм 283 барилга байгаа юм.

Энэхүү жагсаалтыг 354 өндөр барилгатай Хонконг тэргүүлсэн хэвээр байна. Жагаалтын эхний тавд мөн Дубай /202/, Шанхай /165/ хотууд оржээ.