Төрийн ордонд Монголын эдийн засгийн форум үргэлжилж байна. Өнөөдөр 09:00 цагт эхэлсэн нэгдсэн хуралдаан “Бүсчилсэн хөгжил” сэдвээр болсон. Энэ жилийн форумын онцлог нь УИХ-ын 2024 оны сонгуулийн дараа болж байгаа бөгөөд Ерөнхий сайд Л.Оюун-Эрдэнэ болон намуудын төлөөлөл панилест оролцогчоор оролцож байгаагаар анхаарлын төвд байлаа.

Мөн үдээс хойшхи салбар хуралдаанаар “Ногоон эрчим хүч, эрчим хүчний шилжилт” сэдвийг онцолж хэлэлцүүлэг өрнүүлнэ. 14 дэх удаагийн чуулганд Азийн хөгжлийн банк, Бадрах энержи ресурс зэрэг гадны томоохон компани, хөрөнгө оруулагч зэрэг 2000 гаруй зочин төлөөлөгч оролцож байгаагаараа онцлог.