АН-ын дарга Л.Гантөмөрөөс цаг үеийн асуудлаар тодруулга мэдээлэл авч байна. Тэрбээр "Хэлэлцээрийн хамгийн эхэнд улс төрийн намаар ялгаварлан гадуурхахгүй байхыг шаардана. Улс төрийн намаар гадуурхдаг энэ үзлийг зогсоох ёстой. Үгүй бол АН-ын гишүүн гэхээр үр хүүхэд нь ажилд ордоггүй, үр удмаараа үзэн ядагддаг байж болохгүй. Энэ улс мөхөх нь байна шүү дээ. Улсаа авч гарах тухай эхний ярианууд явна. Хэрэв ойлголцвол урагшаа хараад л явна. Боломж байхгүй бол боломжгүй. Бид мөрийн хөтөлбөрийнхөө ялгамжтай байдлыг гаргаж байна. " гэв.
