"Оюутолгой"-н 66 хувийг эзэмшдэг Turquoise hill resources компанийн ТУЗ-ийн гишүүн Алан Чиргвинийг өөрийнх нь хүсэлтийн дагуу өнгөрсөн пүрэв гарагт чөлөөлснийг цахим хуудаснаа мэдээлсэн. Тэрбээр дээрх компанийн ТУЗ-д 2018 оны есдүгээр сараас хойш ажилласан байна. Тэгвэл Turquoise hill resources компанийн ТУЗ-д Алфи Григгийг томилсныг мөн тэмдэглэжээ.

Алфи Григг нь уул уурхай, эрчим хүч, технологийн салбарт 20 гаруй жил ажилласан туршлагатай аж. Тэрбээр өдгөө "Rio tinto"-гийн хөнгөн цагааны бизнесийн Номхон далайн орнуудыг хариуцсан зөвлөх юм байна.