Үерийн эрсдэлтэй бүсэд байгаа ХУД-ийн 15 дугаар хороонд байрлах олны дунд "Авлига хороолол" гэгдээд буй "Акуа Гарден" хотхоны хоёр блок барилгыг албадан нураах захирамжийг Нийслэлийн Засаг дарга асан Д.Сумъяабазар гаргасан. Тэгвэл "Эм энд жи констракшн" компаниас уг шийдвэрийг хүлээн зөвшөөрөхгүй Захиргааны шүүхэд хандсан. Шүүх хурал өнгөрсөн мягмар гарагт товлогдсон ч хойшилсон байна.
Уг асуудалд Хотын дарга Х.Нямбаатар "Шүүхээс "Aqua Garden" хотхоны урд талын 2 блокийг нурааж болно гэдэг шийдвэр гарвал бид нураахад бэлэн байна. Энэ асуудалд шүүхийн шийдвэрийг л хүлээж байна" гэлээ.
