Зургийн эх сурвалж: SnackSafely
Томуугийн халдварын идэвхитэй үе арван нэгдүгээр сарын дундаас эхэлж, ирэх оны хоёрдугаар сар хүртэл үргэлжилдэг. Үүнийг угтуулж, манай улс хүн амынхаа хүүхэд, жирэмсэн, хөхүүл эмэгтэйчүүд, ахмад настан зэрэг зорилтот бүлгийнхнийг томуугийн дархлаажуулалтад хамруулдаг аж. Энэ жилийн вакцинжуулалтыг ирэх сарын 1-нээс эхлэхээр төлөвлөж байгаа гэж ХӨСҮТ-ээс мэдээллээ. Одоогоор 200 мянга орчим хүн /тун вакцин оруулж ирэхээр төлөвлөсний эхний ээлжийн 89 мянгыг импортлоход бэлэн болжээ. Томуугийн дархлаажуулалтад зургаагаас дээш сартай хүүхдүүдийг хамруулах боломжтой юм.
Улсын хэмжээнд өчигдрийн байдлаар амбулаторийн нийт үзлэгийн 2,3 хувийг томуу төст өвчин эзэлж байгаа юм. Уг үзүүлэлт 4 хувид хүрэхэд томуугийн улирал эхэллээ гэж үздэг ажээ.
