Энэ сарын 27-ны өдрийн 14 цагийн орчимд Хан-Уул дүүргийн 15 дугаар хороо "Олимпийн гүүр" дээгүүр замын хөдөлгөөнд оролцож байсан жолооч эмэгтэй машиндаа ухаан алджээ. Энэ үед ТЦА-ны Хамгаалалтын хэлтсийн зохицуулагч цагдаа, цагдаагийн ахлах ахлагч Ж.Батбаяр, зохицуулагч цагдаа, цагдаагийн дэд ахлагч А.Билгүүн нар анхны тусламж үзүүлэн амь насыг нь аварч, НТТТ болон ар гэрийнхнийг нь дуудаж хүлээлгэн өгсөн байна.